視后胡定欣到旺角出席前輩梁舜燕的86歲壽宴，正忙拍新劇《包青天再起風雲》的她特別向劇組請假，到場向梁送上祝福。定欣表示入行以來幸運地有不少機會與梁舜燕合作，最難忘是《城寨英雄》中的演出，而在《包》中亦有與她合作的戲份：「聽到佢入行60周年覺得好犀利，最犀利係佢依家仲好享受工作，好有魄力，佢仲話就算唔使開工，都會Keep住夜晚三點先瞓呢個習慣，怕自己第時要開工唔習慣，我聽到真係好敬佩，係佢身上仲學識珍惜每一個機會，感恩工作。（做足60年？）真係唔知，我都係做咗15、16年，祝佢身體健康，繼續高貴動人，佢一向畀我感覺好斯文淡定。」
梁舜燕
胡定欣
胡定欣同Lily合作過好多次
（ON.CC）
