無綫劇集《溏心風暴3》舉行宣傳活動，劇中三角戀的陳敏之、唐文龍、胡琳齊齊出席，更與李司棋及夏雨上演短劇，李司棋重演劇情，作狀要摑敏之，其後唐文龍在台上指要送生日蛋糕給敏之，但被胡琳一手搶去，並質落敏之的面上，敏之的下半邊面中蛋糕，連件衫都埋中招，搞到成身忌廉，敏之頓時發呆！夏雨又即時「正爸」上身，拎起奶茶潑唐文龍又爆粗的說：「賤狼，你做咩搞我個女！X街！」唐文龍慘被潑到成身奶茶，相當無奈！
莊思敏則搞笑捧着一大盆花生走出來笑指要看戲。不過，胡琳後來就補鑊，急急腳拿起紙巾替敏之抹去臉上的蛋糕，搞到自己成手都是忌廉，唐文龍更笑謂驚喜：「呢杯奶茶係我十幾年嚟飲過最甜嗰杯！」最後，大會推出一個大蛋糕，為即將生日的敏之提早慶生。
李司棋作狀要摑敏之
敏之好Sad
李司棋呵番
唐文龍話要送生日蛋糕畀敏之
胡琳一手搶咗質落敏之塊面度
敏之塊面中晒招 
夏雨仲潑唐文龍奶茶，夠晒激！
好慘
陳敏之抹乾淨面後受訪，直言好驚喜，她說：「我知道有蛋糕同我慶祝生日，但我唔知有個道具蛋糕呀！（摑就知？）呢個就知，知道個短劇入面，唐文龍會送蛋糕畀我，但唔知胡琳會質個蛋糕過嚟！」談到她即時發呆，她謂大家開心就好，幸好蛋糕無入眼、又只中下半邊面，直言沒有嬲。將於1月17日生日的她，笑謂多謝監製送這份生日禮物給她，直言從未試過被質蛋糕，她說：「我真係呆咗呀，不過我覺得唐文龍慘啲，佢成身都係奶茶，我都嚇一嚇！」
一Take過打兩巴
提到劇中被李司棋怒摑，敏之謂事前已經叫李司棋真摑，而且一Take過打兩巴。講到收視，她表示沒有留意，認為演員只要做好角色，見到網友評價好已滿足，被問可有被罵？她說：「咁又沒有，係替我做呢個角色慘，但好有挑戰性，下次未必有咁嘅角色！」又指老公與她一起看這場戲，大讚她做得好。早前她表示與唐文龍的激情戲老公並沒有收看，她笑謂：「佢依家有睇啦，因為我同唐文龍啲戲播晒！」
胡琳呵番敏之 
幫唐文龍抹番！ 
莊思敏仲想嚟！
陳敏之冇嬲 
陳敏之仲多謝監製送呢傷生日禮物畀佢~
陳敏之戥唐文龍慘啲
敏之生日快樂！！
（ON.CC）
