作為一部台慶劇，《溏心風暴3》收視被《愛回家之開心速遞》一度超越，都算係一項創舉——係《開心速遞》嘅創舉。
飾演大小姐林淑敏尖酸刻薄又乞人憎，有次受訪時笑言，未試過喺條街俾太入戲嘅觀眾鬧佢「八婆」，但最常聽到嘅係呢兩句：「你真人靚過上鏡！」「你上鏡個樣真係好醜！」又打趣謂：「我唔識鬧人㗎，同埋我唔鬧人㗎，我覺得鬧人好嘥力！」日前已有報道指，林淑敏喺2010年確診患上第二期乳癌，樂觀積極接受治療，2013年同拍拖多年嘅圈外男友陳中原結婚。雖然兩公婆都好鍾意小朋友，但因為林淑敏仲要keep住食荷爾蒙藥，期間唔可以有BB。林淑敏也曾表示，因為身體情況，所以唔想個人太易激動，而且老公又唔會同佢鬧交，故現實生活中真係絕少動氣。
林淑敏笑言：「最常聽到嘅係呢兩句：『你真人靚過上鏡！』同埋『你上鏡個樣真係好醜！』」
大小姐（林淑敏）同送水輝（許家傑）有感情線
今日有周刊出咗林淑敏專訪，提到本月21號舉行嘅台慶頒獎禮爭逐最佳女配角嘅心情，還憶述抗癌經過。她稱患癌之初，還一直瞞著身在加國的雙親，甚至勸當時仍是男友的另一半離開，因為林淑敏話，佢當時都唔知條路要點行。醫生確診時，一直表現平靜的男友，終於忍不住眼泛淚光。後來林淑敏接受抗癌治療，已經打到第三針，身在加國的媽媽要返港出席婚禮，林淑敏知道冇得再隱瞞落去，惟有和盤托出。林淑敏謂，婚後曾經諗過，一個完整家庭是否需要一個小生命？但因為佢仍keep住食荷爾蒙藥，令她十分猶豫。一來擔心停藥後健康的變化，二來覺得自己年紀已不輕，擔心自己有冇能力可以照顧小朋友。
抗癌時嘅林淑敏
《真相》裡的巴辣Emily令觀眾初次留下印象
打完抗癌的仗，林淑敏與男友拉埋天窗。她笑言：「冇藉口唔結婚啦。」（資料圖片）
咁老公點睇呢？一個完整家庭，就係兩個人一齊好開心，就夠喇。祝福大小姐！
（Apple Daily）
