張衞健胞弟張衞彝昨午被發現倒斃上水古洞家中，終年50歲，事件由孻弟、任職警司的張衞基登門揭發。
《蘋果》致電張衞健（Dicky）求證其弟死訊，他在電話承認：「係呀，我依家唔方便講住，有好多嘢搞緊，希望你諒解。」至於母親情況，Dicky表示：「媽咪ok，有心，我做埋啲嘢先。」
Dicky最初表示胞弟在家中發生意外，未有透露詳情，其後他再致電本報，講述其弟離世情況：「佢喺屋企浴室沖涼暈咗，應該喺冇痛苦下走咗，媽咪好鎮定好堅強好叻好豁達，每人都有嚟同走嘅一日，如果可以喺冇痛苦下方式離開，都係好事！」
張衞健早年與曾任其經理人的胞弟張衞彝關係決裂，2013年，張衞彝開記招，向健仔追討20%佣金，又指：「本是同根生，相煎何太急。」張衞彝當日在記招上又向傳媒稱：「唔好再抹黑我，你哋見到係真嘅我，你哋見到出嚟係我塑造出嚟嘅張衞健，今日要為自己打算一次，我連一兩隻牙甩咗，做幾萬蚊整牙都冇錢，冇儲蓄，上水都唔敢出去。」
最後張衞健聯同母親聯合發聲明澄清，指「媒體對張衞健之指控絕對不實」，又稱「張衞健母親證實張衞健過去數十年對家人均盡孝盡義，絕無虧欠身邊人」，還稱：「張衞健感激身邊人支持，承諾只要有天『鳥倦而歧途知返』，一家人還是希望見到『浪子回頭走正途』的。」
其後張衞彝還接受大陸傳媒做「家訪」，其寓所一片凌亂，堆滿雜物，還在牆壁上寫字抒發感受，如”I hate money”等等。而衣帽間裡還藏著張衞健曾穿的衣服，四周又貼滿健仔的剪報。由於太久沒有人打理房子，故天花板還掛著蜂巢。
曾抑鬱症的張衞彝，在訪問中表示經濟緊絀，雖然健仔每月寄三萬元家用給他，但張衞彝稱捉襟見肘，「扣晒基本開支，除非我好有恆心，我今個月就洗兩件，下個月就洗一部冷氣機啦。」「佢呢六年嚟佢點樣對我？我冇辦法，我只可以咁（指開記招）。」、「我已經再沒有辦法幫他（張衞健）去維修這麼大的房子（指古洞獨立屋），我已經沒有辦法在香港再生存，生活下去。」
訪問中，張衞彝表示最心痛是母親也站到張衞健那邊，還聯合發聲明：「我冇諗過會係媽咪嚟講。媽咪，你要我讓步讓到幾時？」「我有理過屋企，你哋知道，但九龍塘嘅屋企你哋唔俾我入，電話號碼亦都改埋。」
(蘋果日報)
