陳豪（阿Mo）到鰂魚涌出席主演劇集《誇世代》宣傳活動，挑戰跳彈床時顯得相當避忌，問是否怕傷到腰？他笑言：「唔係怕整到腰，跳彈床係弱項，我平衡比較差。（小朋友畀唔畀玩？）小朋友OK，但佢哋有好多嘢學，學單車、學游水，都有排學，遲啲先。」
問倒數是否與太太陳茵媺過？阿Mo表示：「係呀，好難得有一年可以一家人簡簡單單咁，全家人都開心就足夠。（送禮物畀小朋友？）唔敢再買，佢哋去Party每次都有，拆都拆唔晒，同太太計劃捐出去。（送咩畀太太？）唔話你聽！」
驚到癲嘅李佳芯仲跳得高過陳豪！
李佳芯、陳豪、龔嘉欣 
陳豪話生B唔係問題，最緊要係點教～ 
生容乜易！金句呀～
問到是否送「人仔」給太太，阿Mo即展現招牌傻笑，講到葉翠翠半年即造人成功，比「多仔公」阿Mo更厲害，他即笑說：「生容乜易！」他表示將於三月拍內地劇，屆時會與家人分開一段時間，問茵媺是否停工全職湊仔？阿Mo表示：「都要分開兩、三個月，太太都有工作，但大家會以小朋友優先。（提早收爐陪太太二人世界？）都想。（兩個去三個返？）生仔唔係問題，將佢哋養育成人做好人唔容易，依家係佢哋三個最需要我哋嘅時候，唔係唔想，我哋都好鍾意BB，要再遲啲先。」
(東方日報)
