男神謝霆鋒與天后王菲復合至今三年多，關係相當穩定，早前霆鋒被問到點樣同另一半慶祝節日時，即冧爆話「日日都係節日」，So Sweet！
雖然霆鋒現身叱咤頒獎禮，冇同女友甜蜜合體迎接新一年，但王菲都不愁寂寞，尋日有網民上載咗王菲與一大班朋友聚會嘅合照，只見眾人都攞住酒杯慶祝新一年，睇嚟玩得好盡興。
不過大家嘅焦點放咗喺第二度，皆因王菲打扮休閒，素顏上陣依然靚到爆，仲要輕輕托頭Chok甫，獲讚有天后風範！亦有網民指出屈膝而坐嘅王菲小腹平坦，加上見枱面有唔少香煙，估計王菲似乎冇懷孕，早前有孕嘅傳聞不攻之破。
(on.cc東網)
