謝霆鋒2001年奪過叱咤男歌手銅獎後，相隔16年再現身叱咤舞台上，霆鋒以神秘表演嘉賓身份現身舞台！唱出《玉蝴蝶》，一貫霆峰作風穿上黑色上衫牛仔褲造型，他一開腔全場觀眾狂呼尖叫！之後再唱出新歌《有火》，霆鋒孭起結他與Supper Moment和觸執毛一齊唱《活著VIVA》Rock爆！霆鋒邊Chok邊唱邊結他Solo，型到 爆，又不時舉高手，就連台下得攞獎歌手都企晒起身，有觀眾更企上櫈，氣氛High到爆！雖然霆鋒現身已經夠晒睇頭，最後霆鋒只拋下一句：「呢一刻開始為明日回憶！」正式為頒獎禮掀開序幕。
霆鋒一唱《活著VIVA》，大批網民話MK金曲百聽不厭，乜嘢回憶都返晒嚟，大讚又型又Chok，有啲網民仲話：「我真係聽到喊！」、「謝霆鋒終於掉低把鑊鏟，拎番起支結他嘞！」認真誇張！
另外，大批網民話霆鋒比起當年，依家係真正嘅巨星，超級有巨星風範，仲話佢應該趁機發揮星級廚神嘅魅力，叫佢應該一邊唱，一邊整雞蛋仔、揈蕉，又或施展鬼畫符畫花神功，嚟個crossover咁就very good喎！
不過有少部分網民就話霆鋒近年可能揸鑊鏟多過揸咪，所以唱功有少少生硬之餘，更有網民質疑係「假彈」，話：「我睇到佢彈結他係作狀，隻手亂咁FING（揈），都唔係真係彈！」
謝霆鋒為頒獎禮掀開序幕
網民話……
網民話……
謝霆鋒同一班DJ合照
網民話……
網民話……
咁樣揸住雞蛋仔唱歌都好正
網民話……
網民話……
（ON.CC）
