歌手方皓玟在《叱咤》頒獎禮上先奪得「叱咤樂壇唱作人銅獎」，在後台受訪時表示攞獎時來不及反應：「頭先睇完霆鋒佢哋表演之後回唔切神就即刻畀人叫咗上去攞獎，但好開心，創作係我岩嘅生命，係生活嘅推動力，會繼續寫多啲好歌。」講到她現時佗緊BB，問到可會為BB作歌？她表示：「暫時未諗住，依家只係3個幾月，未feel到互動，未去到母愛泛濫嘅階段，但每日都好多嘢學，懷孕對女性嚟講係好大挑戰，跳舞、做運動都唔做得，媽咪又會提我好多tips，同屋企人拉近咗好多。（身體有冇唔舒服？）托賴呢兩三個月冇嘔冇暈。」
問到之後可會休息？她表示：「冇呀，係正常過程，冇特登刻意休息，keep住做嘢有動力會好啲，唔好怕郁動。」她表示佗仔，預產期7月，會在香港生，但未知會否順產。問到老公可有叫佢少啲出街？她謂：「唔會，佢都好動，依家唔做得劇烈運動，只能久唔久做吓瑜伽，佢會陪我一齊做，成件事好鼓勵性，佢好似有參與懷孕過程咁。」問到口味有否轉變？她笑言：「唔明依家點解可以食咁多嘢，本身24吋腰，依家唔敢度，但係重咗5、6磅，所以覺得女性真係好偉大。」
她在頒獎禮上身穿6吋高跟靴，但在慶功宴上已換回球鞋，講到她攞埋「我最喜愛的女歌手」，問到BB可是很好腳頭？她笑言：「係呀，多謝佢，好難能可得，可以同佢一齊攞獎，大個仔可以同佢講番。」但講到她只差41票就攞埋「我最喜愛的歌曲大獎」，問到可會覺得唔抵？她表示：「冇呀，呢啲我最喜愛同天賜畀你冇分別。（係咪掛住生仔唔得閒宣傳首歌？）唔會，我一直冇離開過，但首首歌攞都值得，《長相廝守》真係好聽好hit，人哋攞我都開心，開心見到香港樂壇有咁多叻嘅人。」問到向老公報喜未？她表示：「未呀，冇時間Send message，不過收到好多朋友恭賀，多謝大家，希望2018年會好過2017年。」
飲橙汁
(ON.CC)
