由處女黨開始到依家「少婦黨」——sorry，係「索爆人妻團」，王君馨同岑麗香共度過唔少節日，去年佢哋一齊度除夕，喺澳門做倒數，嗰次香香老公強強有到；今年兩姊妹又一齊出席上水廣場除夕倒數，強強冇嚟撐太太，但王君馨老公就有到。
君馨同岑麗香共度過唔少節日 
今年兩姊妹又一齊出席上水廣場除夕倒數。
王君馨講到一陣間會同成勛喺台上面貼面擺pose就好興奮，但又好擔心。 
王君馨：「死啦，唔知老公見唔見到，會唔會嬲。」
記者提議香香代勞啦，橫掂強強又不在場。 
點知香香話：「唔好啦，呢啲專業嚟嘅，留番俾王君馨啦。」
做訪問嗰陣活動尚未正式開始，王君馨講到一陣間會同成勛喺台上面貼面擺pose就好興奮，但又好擔心：「死啦，唔知老公見唔見到，會唔會嬲。」記者提議香香代勞啦，橫掂強強又不在場，點知香香話：「唔好啦，呢啲專業嚟嘅，留番俾王君馨啦。」佢哋話平時都係有時間先會睇韓劇，仲不約而同話最鍾意《來自星星的你》嘅金秀賢喎。
(蘋果日報)
