除夕倒數，好似係俾情侶嘅節日嚟。
馬國明同黃心穎噚晚喺馬鞍山出席商場嘅迎新年活動，呢次係佢哋第一次情侶檔出騷，馬明話好pay啲啲。心穎噚日喺《勁歌》總選扮韓團唱歌，咁今日呢？佢話唔會同馬明合唱，幾時有機會？黃心穎話：「有機會再合唱都可以，不過要收貴啲。下年啦。」
講到明下年有機會合唱，即係對呢段關係好有信心啦？黃心穎先係話做拍檔搵錢，但馬明就接力：「下年一定得，因為喺《宮心計》係一對。」佢哋話係仲了解中，睇咗咁多次戲仲係了解中，馬明話睇戲時冇了解冇拖手。之前有報道話兩人分咗手但要扮冇事，馬明話要問番番寫個個，不過由兩人傳緋聞開始，已經係了解中，馬明究竟有冇問過心穎俾你俾了解㗎？呢個時候馬明就尷尬：「我冇開過喎。」
心穎就馬明仲差少少，差咩呢？心穎就解釋：「欠缺啱嘅Timing。」以為咁答好危呢？又唔係喎，心穎其實有派定心丸嘅，佢話之後要開劇，中間又有啲job，不過有時間係可以夾去旅行，佢又話唔覺有追求者：「自從有佢（馬明）新聞之後都冇，都想知邊個咁有膽！」之後心穎喺台上唱《至少還有你》，不過入錯歌兩次，第二次都唱唔到嘅時候，心穎尷尬同觀眾講sorry，主持余宜發即出場幫手打圓場，喺心穎重唱期間，馬明喺台邊精神上好sweet咁支持，到第三次重唱終於無事，仲唱得唔錯添
(蘋果日報)
