名媛楊張新悅（Nicola）出席活動，在台上與小朋友玩遊戲時，她被稱呼為「Auntie Nicola」。受訪時，Nicola笑言叫她做「姐姐」時卻不懂回應，已經接受了自己不再是小女孩。她表示家中三位千金今年分別是8歲、7歲及3歲，而孻女則在9月時已經開學：「湊3個小朋友唔易，朝早7至12點終於可以做自己嘢。」她回顧2017年主要湊小朋友及老公為主，而2018希望可以有多些時間給自己，問最想做甚麼？她說：「我好鍾意寫作，有人提議我交稿畀傳媒講吓環保同湊仔，但每次提筆就有其他嘢做。」
3個女係意外
Nicola坦言如果唔做自己事便會失去自我，並希望明年可以用自己少許生銹的默水執筆，而寫專欄可以自我控制時間以及不被環境影響，最想有自己空間。她表示：「今年做好多慈善嘢，但做媽咪好難日日返工。（打算生多個？）我婆婆個年代生好多個係濕濕碎，但依家就難。（3個就夠？）從來1個就夠，係唔知點解變咗3個出嚟。」她坦言自己是個不太喜歡湊仔的人，有人曾提議過她開間幼稚園，但笑言想起就頭痛：「唔係話唔鍾意小朋友，而係我唔係愛心爆棚要同佢哋玩，其實係我唔識玩。」她表示有小朋友之後，學懂有耐性地學習如何跟他們玩：「佢哋有時覺得我做好多事好有意義同理論，有時小朋友純粹需要玩，我成日同自己講唔可以咁吟噚，可以為玩而玩，但其實好難。」
楊張新悅學懂有耐性地如何跟小朋友玩
(ON.CC)
