歌手鄭欣宜在《新城勁爆頒獎禮》奪得歌曲及女歌手獎，在慶功宴受訪時坦言感到開心：「我覺得係非常不敢當嘅一件事，喺台上面都有講，因為同我一齊攞女歌手獎嘅係自己好欣賞嘅歌手王菀之同衛蘭，係特別有意義。」
問到早前跟她合照的「男友」有否恭喜她？她卻指對方是中學同學：「乜你哋到依家都認唔到佢？但真係好開心，佢特登飛嚟同我慶祝聖誕節。（同佢拍拖？）我依家單身。（有冇機會發展？）應該冇。」
欣宜強調自己係單身。
欣宜強調二人已合照多次，覺得大家起哄留言祝福是好事：「表示大家好想我快啲得到幸福快樂，但呢段時間都要做多啲物理治療，又要做多啲運動練番隻腳，冇乜時間同機會同男仔傾偈，因為下年4月就開演唱會。」
因為要開show 所以近期都冇時間同冇機會識男仔。
提到在IG上載兩人合照時留言「Love of My Life 」，欣宜認為愛有很多種，他們的愛屬於家人的一種：「唔好特登話人哋係啦。（佢令你唱《無表面傷痕》？）唔係，多謝大家關心。」至於會否出席《勁歌頒獎禮》？她透露要拍MV，因此應該不出席。
(東方日報)
