藝人姜麗文（Lesley）自小熱愛運動，近年更愛上健身，大騷纖腰的她於健身室做出多組高難度動作，她指運動能令她感受到平靜的感覺：「我個腦係好嘈嘅，就算睇緊戲都會諗緊嘢，我發覺做緊運動嘅時候先會覺得好靜，我覺得好舒服好好玩。」
Lesley表示自小已喜歡運動，而且小學時期已擁有馬甲線，她說：「我係天生不嬲有少少線，有肥肉就會cover咗佢，大個開始減肥冇咁水腫，食清啲，戒飲汽水同煎炸嘢，跟住啲線就開始出番嚟！」
不過得天獨厚的Lesley卻自爆試過「肥胖」的滋味：「我有肥過， 中學同大學嘅時候，所以我先有依家個Pat Pat，我5呎3吋高，依家105磅，以前有113磅，係baby fat。」 
Lesley又認為做藝人壓力很大，是運動拯救了她：「我今年31歲，試過有好多壓力，容易唔開心，會覺得好攰唔想出街，呢啲嘢一次過嚟晒，壓力太大嘅時候成日都喊，情緒好唔balance，可能笑緊，但5秒後就會喊，做運動最大嘅變化係開心咗 。」
最令Lesley開心的是爸爸秦沛亦受到她的影響：「我72歲嘅爸爸似27歲，好鍾意做運動，爸爸之前message我，話我影響到到佢，佢每朝早喺內地拍完嘢就會send番條做緊運動嘅片畀我睇，好開心爸爸做番運動。」她又指運動成為了兩父女的共同話題，有助維繫父女情。
(東方日報)
