大台劇嘅pattern係點，相信大家都講得出，基本上每套劇都有個潑婦角色，往往呢啲角色好容易俾到藝員有發揮空間，有唔少仲因為咁而上位o添！
關菊英
曾經喺九十年代同家人移民加拿大過半退休生活嘅關菊英，2000年代尾復出，先後喺《溏心風暴》同《溏心風暴之家好月圓》，而佢喺呢兩套劇入面扮演潑婦角色「細契」同「Sa姨」深入民心。
黃智雯
07年參加港姐加入大台，及後仲做唔少配角，其中佢喺《缺宅男女》扮演「關二嫂」婁笑蘭，而呢個巴辣人妻角色仲令黃智雯成功入屋，同年仲拎埋「飛躍進步女藝員」。
呂慧儀
有「長腳蟹」之稱嘅呂慧儀，入行初期都係做啲性感晒腿騷身材嘅角色，不過14年升呢做咗人母報就轉型，仲做過唔少巴辣角色就好似《一屋老友記》嘅余花同《親親我好媽》嘅袁圓。
林淑敏
入行17年嘅林淑敏，參選港姐入行，多年嚟主要都係飾演配角，觀眾對佢嘅印象大多都係「綠葉王」，佢曾經喺《真相》中飾演巴辣名媛余敏莉，而佢喺仲播緊嘅《愛·回家之開心速遞》飾演野蠻潑辣大小姐龍力蓮，今年仲憑呢個角色獲得大台頒獎禮「最佳女配角」嘅提名。
(蘋果日報)
