2012年落選港姐尤蔭蔭，由無綫過檔到奇妙電視，擔任主播到依家。因為一張「不反對通知書」，令婚事曝光，而家人根本不知道，尤蔭蔭計劃與圈外男友梁揚提結婚。當記者致電講恭喜蔭蔭時，她顯得極為緊張，不諱言係暪住家人入紙結婚，說罷便匆匆收線。
事件曝光後，不少網民力撐尤蔭蔭，令尤蔭蔭更感壓力…昨晚，尤蔭蔭打破沉默，在fb公開剖白。一個十九世紀似的愛情故事，家族壓力、父母反對、門當戶對……原來今日仍在發生緊。
尤蔭蔭寫道：「今日突然間好多朋友同我say hi，不過講真佢哋最想知係究竟係乜嘢原因令到婚事告吹。事實係因為我家境不錯，所以我父母希望我將來的伴侶背景同我們有返咁上下。可惜我男友嘅工作不太順利，父母希望佢在工作上有一番成就先成親。但我男友是就算什麼都沒有，也會將僅有最好的給我。對比一些男人又要先買樓、有事業才結婚，浪費女人的青春之餘，女人又沒有安全感，因為好多時候男士事業有成後，都會找個更年輕更漂亮的。當然我理解佢哋嘅想法，說到底，誰希望他們的子女將來要捱苦？但是當他們得知我們要結婚的消息，當下第一個反應並不是恭喜或祝福你，而是你沒有錢如何娶老婆，那時候感覺真難受。不過對於我來講，愛情係不能用金錢來衡量。所以為怕父母反對，或許是不想面對父母，這次我很衝動地，在父母不知情下，去排期註冊。當然最後事件被揭穿，婚事要延期。雖然成件事有啲無奈，但係如果俾我再揀多次，我都會咁做。始終我都認為當你愛上一個人時候，其他的都不太重要。就好似食麥當勞或者大家樂都可以好好食，最緊要係睇對象係邊個。大家又點睇呢？如果你係我咁，你會好似我咁衝動嗎？你會向現實低頭嗎？你會願意延遲嗎？我想聽多啲意見，可能的話，甚至鼓勵。」
(蘋果日報)
