「索腿天后」兼靚媽陳敏之不時都喺社交網甫自己囝囝雷子樂嘅得意相，同一眾網民分享吓生活點滴，等粉絲知道囝囝長大成點，又可以當係一個成長日記！而趁住聖誕節呢個大日子，敏之就帶埋囝囝出街感受一吓聖誕氣氛！
趁住聖誕節梗係要出去感受一吓喇！
玩到攰啦BB
仔仔個樣好呆
有B萬事足
BB”快D同我玩!
呢次佢就甫咗幾張相，相入面見到敏之抱起戴住「聖誕口水肩」嘅雷子樂喺聖誕樹前面留影，另外幾張相見到佢哋玩得好開心咁，不過唔知係咪玩足一日，雷子樂個樣好似瞌眼瞓仲喺度打呵欠，雖然個樣呆呆滯滯但一樣咁可愛。佢仲留言話：「同呢個小魔怪過聖誕，充滿愛同歡樂！」一班網民睇到大讚佢囝囝得意仲話好溫馨！
(東方日報)
