藝人胡杏兒2015年下嫁圈外老公Philip Lee（李乘德）之後生咗囝囝Brendan，生活得非常幸福，而杏兒生完B之後其實都冇畀囝囝嘅正面相大家睇，就算有都係用咗Apps執咗相遮咗個樣，就連聖誕節都唔例外！
呢日杏兒就喺社交網上載咗張全家福，見到佢哋一家三口着到全紅色，頭戴聖誕帽喺聖誕樹前面影相，真係好應節。佢老公仲用強勁嘅臂彎抱到囝囝實一實，真係溫馨到爆！雖然杏兒應該唔係好想囝囝嘅正面太快曝光，但張相個感覺似係囝囝怕醜擰歪面，但都已經見到佢好可愛。杏兒就留言話：「我哋第一張聖誕家庭相，囝囝嘅聖誕Look真係好Cute！呢個係我人生中最快樂嘅聖誕！」唔少網友都紛紛留言祝佢哋聖誕快樂，仲話杏兒係個幸福人妻同人母！
一家三口真係好幸福呀～
較早之前杏兒（左三）同一班好姊妹慶祝完！
(ON.CC)
