近年主力發展歌唱事業嘅欣宜喺上個月跌斷腳要入院做手術，仲Post咗條片講自己嘅心情，不過好彩之後欣宜都冇乜事，今個月初已經拆咗石膏。
欣宜喺上個月跌斷腳要入院做手術，不過好彩之後欣宜都冇乜事。（IG圖片）
嚟到聖誕佳節，通常喺各大社交平台都會上映「閃光彈攻防戰」，一對對情侶走晒出嚟大晒恩愛亂放閃光彈，一個人過「剩誕」嘅真係唔小心啲都會被閃盲，而欣宜喺呢個聖誕節都喺IG貼出同一名男子嘅親密合照，仲寫道：「Reunited on Christmas with the love of my life!
欣宜今日喺IG貼出同一名男子嘅親密合照。（IG圖片）
（於聖誕節與我生命中的最愛重逢），唔通想襯聖誕節公開戀情？其實欣宜向來異性緣都好好，呢位男子亦都唔係第一次喺欣宜嘅IG出現，上年八月時欣宜已經晒過一張熊抱嘟嘴照，當時《蘋果》聯絡咗欣宜，佢就話：「唔係男友，佢係我個best fd嚟咋。」不過就算冇男朋友，佳節有個Best fd都唔錯吖。
其實呢位男子唔係第一次喺欣宜嘅IG出現，上年八月時欣宜已經晒過一張熊抱嘟嘴照。（IG圖片）
(蘋果日報)
