藝人周星馳自編自導自演嘅電影《長江七號》喺十年前上映，當年小童星徐嬌仲反串做男仔，依家徐嬌都已經20歲，仲生得亭亭玉立。
其實當年戲中仲有一個童星反串做男仔，佢就係扮演「陳俊生」嘅黃蕾，當時嘅黃蕾黑皮膚，髮線仲好高，真係似足男仔。
十年後嘅今日，網上流傳出多張黃蕾大個女嘅相，最令網民驚訝嘅係黃蕾依家留有一頭長曲髮，眼大大鼻高高，女人味非常濃厚，同以前個樣可以話係差天共地！
不過亦有網民話依家嘅黃蕾樣貌變得人工化，仲同之前參選港姐嘅「佛地魔」Angelica撞樣添，尤其係個鼻同永恆不變嘅髮線…….
(on.cc東網)
