亞視近日復活計劃多多，包括重拍經典劇《我和殭屍有個約會》，日前記者會聲稱之前賣出《我》劇版權但年期將到，亞視將可以重拍。不過，福斯傳媒集團今日發聲明，重申他們仍獨家擁有《我和殭屍有個約會》、《我和殭屍有個約會II》及《我和殭屍有個約會III之永恆國度》之所有相關版權（包括一切改編及重製該系列等權利），又指福斯傳媒集團於2015年向亞洲電視有限公司及亞洲電視企業有限公司購買了其28部電視劇集之所有版權，包括：《我和殭屍有個約會》系列、《情陷夜中環》、《肥貓正傳》、《縱横四海》及《我和春天有個約會》等。
亞視行政總裁吳雨
吳雨話睇吓有冇得傾合作。
亞視行政總裁吳雨今日作出回應，承認是美麗的誤會：「以前亞視係賣過好多劇畀唔同嘅單位，好多合約，好混亂，又有啲有補充協議，我哋依家了解緊。（唔會擱置重拍？）睇吓有冇得合作囉！仲可能有其他經典選擇，蕭定一都有買咗啲亞視作品，都可能有合作，咁佢哋都未必想攬住啲經典就算，依家有人想重拍，對觀眾係好事。」
FOX聲明全文：
「就日前亞洲電視有意重製《我和殭屍有個約會》之報道，21世紀福斯旗下福斯傳媒集團重申本公司獨家擁有《我和殭屍有個約會》、《我和殭屍有個約會II》及《我和殭屍有個約會III之永恆國度》之所有相關版權 (包括一切改編及重製該系列等權利) 。福斯傳媒集團已於2015年向亞洲電視有限公司及亞洲電視企業有限公司購買了其28部電視劇集之所有版權；包括：《我和殭屍有個約會》系列、《情陷夜中環》、《肥貓正傳》、《縱横四海》及《我和春天有個約會》等。福斯傳媒集團
2017年12月23日」
(東方/蘋果日報)
