藝人胡琳（Bianca）在無綫劇集《溏心風暴3》中飾演唐文龍太太，劇集播出後，Bianca亦隨之人氣急升，足見電視入屋的威力！
首次拍劇的Bianca，一演就「升呢」做人妻兼人母，她笑言角色與她本身性格反差極大，初期也擔心自己駕馭不來，後來得到男神唐文龍帶她入戲，令她谷出母愛來照顧劇中的女兒，她說：「當初知道要拍《溏3》好開心，但一下子就要飾演人妻兼人母就開始擔心handle唔到，好彩有監製同我詳盡講解角色變化，鼓勵我去試，我知道今次戲份唔多但發揮空間大，都好想去挑戰自己，所以好快就進入狀態。」
Bianca向來予人溫柔嫻淑的感覺，原來她的可塑性十分大，她說：「大家都以為我好溫柔、賢淑、斯文，其實我好嘈，一啲都唔賢妻良母feel，進入角色狀態都係靠自己投入角色，相信自己係劇中人，進入劇中生活，會調整語氣，特別係好多場戲要帶住小朋友，本身我冇小朋友，所以一見到佢就將自己嘅母愛爆發出嚟，加上文龍好有經驗，畀到一個好舒服感覺我，令我更加相信自己係角色中人，由愛變恨，之後更加好投入咁去憎恨佢。第一次拍劇就有咁多得着，我都好滿意！（現實中有冇被第三者介入？）冇呀！可能我外表太柔弱，冇人捨得傷害我啦！哈哈！」
第一次飾演阿媽～
就獲好評～
佢話全靠唐文龍帶佢入戲～
(ON.CC)
