黃翊日前在電台節目透露太太陳存正腎病復發，還因服食很多西藥和類固醇而出現水腫，他自言魂魄唔齊和很疲倦：「冇辦法，個天要考驗我都要接受。」他接受東網訪問時表示太太洗血後情況好轉，只是到現在仍未完全退水，腳跟部位的水腫仍然嚴重，之後亦有進出醫院，但已由港島區轉到大埔的醫院：「知道要洗腎，初頭諗住仲有得救，但唔得就惟有接受。依家學緊點用同消毒，申請緊租部機擺屋企。多謝大家好有心，我太太依家OK，我啱啱先同佢行完街。」
他指除了使用洗腎機，亦可以每日孭住兩公升水，插喉在身上就可以四處走動，但他的太太身體比較虛弱，孭兩公升水很辛苦，所以決定每晚洗腎十個鐘。
陳存正接受東網訪問時表示，近日腎病復發由輕微感冒引起，由於兩邊腎的功能都轉差，免疫系統亦出現問題，令白血球攻擊腎臟，因此要洗腎及排期換腎。她指老公和媽媽都爭着捐腎給自己，她直言感動但卻拒絕了：「我唔想見到心愛嘅人要捱一刀或者手術後唔舒服，我寧願自己每日辛苦少少洗腎。」
她形容家人是自己最大支柱，如果他們不舒服，自己會感到更加痛苦：「我明白佢哋為咗我好難過，但我想佢哋好健康咁支持我，咁打呢場仗我都覺得冇問題。除非醫生話我唔換腎就會死，咁就冇辦法。」陳存正又表示：「醫生同我講洗腎可以洗二、三十年，如果真係咁，活多二、三十年都夠皮！」她直言有心理準備上帝隨時會接走自己，覺得家人身體健康就已經足夠，認為全靠信仰和家人愛錫，自己才可以樂觀抗病。
陳存正又自爆原來多年來兩人都未有註冊結婚：「呢個只係形式問題，我睇得太多人結婚又離婚，對婚紙冇信心，一張紙唔可以維繫到兩個人，如果兩個人感情好，根本唔需要婚書。」
至於黃翊接受東網訪問時，談到太太看私家醫生多年，他表示已忘記花了多少錢：「亦都唔想計數，因為條數幾得人驚！」
(on.cc東網)
