台灣女星陳妍希喺上年12月20日為老公陳曉生咗囝囝「小星星」陳睦辰，而今日就喺囝囝一歲生日喇！陳妍希今日喺微博上載囝囝近照及生日蛋糕相，仲留言：「願你平安長大，但別長太快，一歲生日快樂，我的星星」，向囝囝送上生日祝福！
雖然之前陳妍希曾被影到抱住囝囝而令佢嘅樣意外曝光，不過陳妍希就繼續保護愛子，仲用咗代表「小星星」嘅星星公仔圖案嚟遮住囝囝個樣，果然係貼心嘅媽媽！睇番啲相，見陳睦辰年紀細細就揸住支迷你結他，唔知佢第時會唔會好似父母咁，投身演藝界呢？
「小星星」唔通大個想做歌「星」？
個蛋糕好靚呀！
陳妍希微博
陳曉及陳妍希（資料圖片）
陳妍希（資料圖片）
(ON.CC)
