「人生是充滿選擇，你揀用開心的角度去睇，就全日都會開心！」
2018年即至，陳慧琳（Kelly）又開始忙錄歌、拍MV，可能再開演唱會等，亦是結婚十周年紀念。
她上周出席Kate Spade New York品牌活動，接受專訪時，講起家庭囝囝就開心，「我屋企，老公同兩個仔飲食都一樣：Pizza Pizza Pizza ! 之後炸雞、Pizza、炸雞、意大利粉，全部西餐。所以我同佢哋去旅行，一定會瘦。」
**蝦餃仔聽話愛Rap歌**
陳慧琳和老公劉建浩（Alex）在2008年結婚，她坦言兩公婆最大的幸福來源是一對囝囝：「蝦餃仔」劉昇和「小籠包」劉琛，兩人之間湊仔都非常有默契，經常互相補位。「佢哋兩個算乖，做錯事，我分析咗，勸佢兩吓，佢哋會聽。我有鬧吓，但把聲好攰，會好傷聲。所以鬧呢部份，就由爹哋做，基本上爹哋喝一聲，全家都靜晒㗎喇。」
劉昇今年已八歲，細仔亦五歲快升小學，囝囝大得快，近期更愛上rap歌。全家男子組愛西餐，Kelly入廚好簡單，最怕兒子病，因為常因被兒子傳染，而自己一年病足五六次。
**第一次約會紐約食龍蝦**
2008年和Alex結婚，明年結婚十周年紀念，「噚日先同老公傾開，決定唔慶祝，因為我哋好懶，唔想搞，求其喺屋企食餐飯就得。老公話不如搞20周年，我話，吓，我哋好老㗎喎，搞十五周年啦。」兩人愛情長跑十多年才結婚，Kelly至今依然記得兩人的第一次約會，「係紐約約會，我哋一齊去咗食龍蝦餐，喺香港嘅第一次約會，就去咗皇后戲院睇戲，我都冇扮嘢，冇特登遲到，好準時。」
(蘋果日報)
