前中國小姐趙哲妤（Uny）去年12月誕下囡囡小魚（Natalie）後，獨力照顧囡囡，唔經唔覺小魚已經一歲生日，Uny近日為囡囡舉行生日派對，仲將派對照放上社交網同與眾同樂。但Uny同時宣布一個壞消息，留言話：「【1歲生日快樂】日子過得很快唷！好動小魚的trouble 2 提早了1年出現，這對限量版波鞋就啱哂（晒）妳，讓妳好好探索世界，夠1歲了，很快小魚便要面對一個手術，這可是影響她一生的手術唷，祝願妳身體健康，手術順利^^」
作為單親媽咪嘅Uny將整副心機放喺囡囡身上，知道囡囡身體有事，真係「打在兒身，痛在娘心」！據悉小魚因聽覺有問題，所以即將要做手術，Uny一早得知囡囡聽覺有問題，一直都好擔心，早前更去學手語，做足準備。
Uny接受訪問時避談囡囡因何事做手術，她說：「做完手術先講，怕大家擔心，會過埋聖誕節，下個月做手術。（幾時發現？）佢半歲時發現，要等一歲夠18磅以上先可以做全身麻醉手術，佢依家22磅，再谷肥啲佢，等佢受到麻醉藥。（做完手術冇事？）成功就係，佢已經好好彩，可以做手術。」她直言十分擔心，而且好大壓力，每分每秒都想着囡囡，希望囡囡可以透過手術可以痊愈。問到囡囡爸爸知不知道此事？Uny說：「唔知佢知唔知。」
原來囡囡天生聽力有問題～
令人擔心呀～
希望手術成功啦～
(ON.CC)
