【原來已經八年！】丁子高幸福晒錫錫千嬅婚照

圈中模範夫妻丁子高與楊千嬅喺2009年於美國拉斯維加斯秘密註冊結婚，並喺12月20日於香港擺酒。

兩人唔經唔覺已經結咗婚8年，為咗同網友重溫當日甜蜜嘅一刻，丁子高就喺Instagram上載一張同老婆喺婚宴上激咀嘅合照，並留言：「1220。」簡單而又有紀念意義。

相中兩人無視旁人目光上演情深一吻，真係隔住個Mon都覺得Sweet！唔少網友見到後都話佢哋咀得好肉緊，仲感嘆光陰似箭，祝佢哋永遠幸福快樂咁話！

(on.c東網)