千禧年代越來越多高齡產婦，郭富城、蘇永康、杜德偉、錢國偉等更唔介意做高齡爸爸；但老人家成日都話「有仔趁嫩生」，林曉峰(阿Lo)同康子妮就係最佳例子。
康子妮喺02年下嫁林曉峰，27歲就誕下大仔林寶，翌年再生埋細仔林熙，轉眼間兩個仔今年已經分別有14歲同13歲，林曉峰間中都有喺IG上載一家四口嘅溫馨合照，網民留言話細仔似足林曉峰咁鬼馬，而大仔就夠晒斯文靚仔，仲高過媽咪添。
兩個仔都已經可以自己照顧自己，唔使爸媽咁操心，47歲嘅林曉峰同41歲嘅老婆康子妮當然可以安心過下二人世界，今日喺佢哋嘅結婚15週年紀念日，佢哋就撇甩兩個仔去咗日本旅行，浸溫泉同觀賞富士山，重拾拍拖嘅甜蜜。
阿Lo仲好情深咁留言﹕「多謝妳為我所做的一切、我最好的朋友、我的粉絲、我的導師，而最重要的，妳是我的妻子，15週年紀念日。」老婆一定冧到爆！
(蘋果日報)
