任賢齊今日身穿馬榮成特別設計《風雲》單車衣現身尖沙嘴，為明年3月舉行單車百萬行宣傳，另一大使謝安琪未能出席，但就預先錄呼籲聲帶。記招上，小齊跟馬榮成先作前哨賽，馬榮成本身都熱愛踩單車，今次參與設計單車衣，他覺得份外有意義。
小齊喺活動後要趕飛機去台灣跟一位導演傾劇本，佢要因為新片增肥30磅，之後再拍番變瘦，小齊話：「佢哋可能要紀錄埋我增肥同變瘦過程，我營養師好緊張，要檢查我啲指數，始終唔係後生年紀。」預計要長時間拍攝，令小齊自覺歌手同演員身份起了矛盾，因為擔心出騷時被誤會走樣，其實佢早前已經為電影犧牲，為角色留到滿臉鬍鬚，被人當作中坑，又令仔女看不慣自己鬍鬚look，幸好趕及聖誕節前完成拍攝，回復青靚白淨樣跟子女慶祝聖誕。
（Apple Daily / Headline）
