洪天明日前被爆喺上海背妻周家蔚媾女，帶辣妹夜蒲後手拖手返酒店，周家蔚噚日蒲頭，佢離開寓所時力撐老公，仲話投佢信任票，周家蔚似乎心情未受影響，佢仲帶兩囝囝出席好友陳敏之個寶貝仔「雷冬至」雷子樂嘅1歲生日會。
敏之噚日提早幫囝囝開生日會，邀請咗近100嘉賓出席，周家蔚三母子係座上客，但唔見天明同行。主人家敏之今日接受傳媒訪問時話：「呢次生日會都好開心，我請咗魔術師嚟表演，又有波波池、堡壘、畫人像畫，子樂玩得好開心，佢玩玩仲瞓咗覺，咁啱係魔術表演時間，但佢瞓醒又再玩，好龍精虎猛。」
周家蔚都有帶兩囝囝出席好友陳敏之寶貝仔生日會，不過就唔見洪天明。
陳敏之噚日為寶貝仔雷子樂舉行生日會
有波波池等玩樂設施，但媽咪陳敏之好似仲開心。
敏之話囝囝好精神
胡杏兒都有嚟
(Apple Daily)
