藝人李漫芬（Fanny）到銅鑼灣為食店擔任開幕司儀，老公談成坤亦有到場。
已懷孕25周、預產期在明年三月底的Fanny，開心宣布佗BB性別，問是否已為BB改名？她說：「老公未識我前已經諗過生女改咩名，諗住叫「凱嵐」，不過我都諗咗個叫「在心」，想佢用心待人，會二選一。（邊個贏面大啲？）應該在心贏面大啲，凱嵐筆劃太多，畀老師罰抄就慘！英文名冇乜頭緒，應該會畀個囡自己改。」
Fanny老公談成坤則說：「好似話呢個時期BB對聲音同光已經有反應，依家出門口前都會錫佢個肚，同佢講嗲哋出門口啦！搞到依家喺屋企都唔敢亂諗嘢。」
Fanny又指佗B後工作變多，笑言囡囡旺她：「三月底預產，但工作都預到三月頭，啲人搵我話大肚婆旺，一份錢兩個人、三個人到，抵喎！（加價？）唔會，好多都係合作好耐嘅朋友。」Fanny又表示已預約醫院，直言恨自然分勉但又怕痛，而談成坤則表示想入產房剪臍帶，但擔心唔識剪可能要交醫生代勞，在旁邊學剪下一胎再剪過，放聲氣恨追多個B。
(on.cc東網)
