黃翠如(Priscilla)同蕭正楠(Edwin)今朝情侶檔擔任科學園一個親子跑嘉賓，起步前兩人先跟小朋友喺台上玩烹飪遊戲，眼見女友喺12度低溫下以短袖短裙上台Edwin即時除去外套。
日前Edwin曾指女友煎燶蛋，翠如表示保留追究權利
剛好今日活動主辦係雞蛋品牌，Edwin相當識做不敢多言，而翠如笑指已經好幾日無跟男友傾談，亦不明白男友為何指她不懂煎蛋，世上怎會有人不懂煎蛋。
翠如被問到會否進修廚藝，她指Edwin稍後會去其他國家跟藍帶廚師上堂
到時跟埋一齊去，雖然Edwin曾踩女友煎燶蛋，但他補充指女友整的漢堡包好食。每次談及結婚事宜，兩人也笑而不談，問到會否期望兩、三年後帶着自己仔女來親子跑？
Edwin笑說：「咁睇得起我，同小朋友玩係開心，見到身邊朋友阿康(張穎康)BB都好高興，但生小朋友好大責任，要認真諗清楚。」問到翠如會否急生BB？她笑說：「太早，諗唔到。」
(蘋果日報)
