組合農夫工作不斷，人氣急升，陸永和鄭詩君（C君）除了拍劇及開騷外，又跟鄭裕玲主持《Do姐再Shopping》，2人在節目內與Do姐互窒，盡顯默契，十分搞笑。
C君出世時已患有重型地中海貧血，C君接受訪問時，亦有提及這病，他表示父母都有地中海貧血病源，遺傳了給他，他當年每天都要進出醫院，又經常到醫院接受輸血，C君指現時工作時間不穩定，安排輸血較為彈性，若情況許可，不用4星期就去輸血，C君又表示若然要繼續接受輸血，也不會覺得辛苦。
另外，在訪問中C君亦提及自己家庭狀況，在他4﹑5歲時候，媽咪因為有婚外情而與父親離婚，C君與父親相依為命，後來父親再婚，而C君與繼母的感情很好，仍然保持聯絡。
此外，網傳C君在14歲﹑就讀中學時的一條片，片中的C君穿上病人服，在病牀上受訪，他當時說：「平時要嚟配血，唔配血你冇血輸，咁放學時走去配血，人哋放學時去打波，我要去配血，幾煩，不過唔係幾辛苦，唔返嚟輸血會死，梗係返嚟輸血啦。」
C君喺14歲嗰年，曾經接受訪問講自己個病。(網上截圖)
近年C君喺電視發展好好。(資料圖片)
剛播映完畢的《Do姐再Shopping》C君亦是主持之一 （資料圖片）
組合農夫好拍檔陸永 (右)(資料圖片)
（明報 / 蘋果日報）
