【馬浚偉點名】胡定欣獻出佢嘅第一次…

藝人馬浚偉主演的舞台劇《偶然‧徐志摩》，將於明年六月假演藝學院再度公演，他舉行記者會時宣布今次將由胡定欣飾演陸小曼一角，而其他演員包括有姜大偉、馮素波、黃澤鋒、李龍基、林敬剛等等。馬浚偉透露暫時開十場，當中有一場收益會撥捐香港防癌會。

胡定欣乃首次參演舞台劇，現時正剛開拍無綫劇集《包青天再起風雲》的她坦言只得一個月時間排戲，她謂：「我有啲緊張同擔心，之後去橫店，有時間就返香港排練，等自己定啲，始終第一次，好多嘢都未適應。」問到是否收友情價，她笑言不收錢都肯做，不過馬浚偉就指是給定欣舞台劇界最高的價錢，他又大讚定欣工作認真、投入：「定欣學中國舞，所以到時會有一段跳舞嘅戲畀佢，到時我會喺排練室買定張梳化床畀佢。」