藝人李司棋被指身體出問題有意停工醫病，她接受電話訪問時澄清健康良好，身體沒有問題，她說：「係咪諗唔到啲新嘢，所以成日標籤我有病、身體唔好呢，做埋啲鬼鬼祟祟行為，又問我使唔使覆診，我好好哋又使乜覆診呢。」李司棋指被拍得進出醫務所是因為進行身體檢查照腸鏡。
鮮有發火的李司棋直言被激親：「真係有啲唔開心，搞到大家成日問我健康係咪有問題，寫到好似我就嚟死咁，係咩意思呢。都唔係第一次咁寫，每兩年就寫我一次，Keep住以為我好似就嚟死咁，其實係咪好想我死呢？我都好少咁嬲，知道呢行係食得鹹魚抵得渴，但係都要話我有病。」
問到李司棋是否有意退休不再拍戲的打算？她說：「我離開咗TVB密集式嘅工作，你都可以話我係退休，但有我鍾意做嘅嘢，我都會做，我仲行得走得，唔會有嘢都唔做，大家見我出嚟做《溏心3》宣傳都好生猛呀。」講到缺席今日在深圳的《溏心風暴3》宣傳，她表示因要準備明天要到雲頂工作，故未能出席。
(on.cc東網)
