【豹嫂有冇同感？】定欣嫌豹哥似…

「又到聖誕，又到聖誕……」聖誕節就到喇，藝人胡定欣已經開始布置屋企，呢日見佢喺社交網上載一張聖誕樹嘅相片，棵聖誕樹仲掛滿閃令令嘅吊飾，好有氣氛！

定欣留言話：「終於整好啦！～～～原來真係要好多好多好多裝飾！！#Christmastree！」

再睇番定欣嘅限時短片，原來佢係同好友單立文（豹哥）一齊去深水埗揀聖誕裝飾，期間豹哥仲係咁問定欣揀好未，搞到定欣話佢老人家係咁長氣。

佢仲踢爆豹哥係咁問佢揀嗰棵樹靚唔靚，不過最終兩人都滿載而歸，所以定欣先有棵咁靚嘅聖誕樹咋！

(on.cc東網)