應屆金馬獎影后惠英紅接受電台節目訪問時大爆自己並不是電影《血觀音》中飾演「棠夫人」的第一順位：「都係最近先知，我係最後一個去見，仲記得初初收到劇本一睇就覺得呢個導演好夠膽，將社會嘅陰暗面拎出嚟拍，我就專登投入角色，着紅色唐裝去同佢見面。」
《血觀音》劇照
她繼而分享第一次與導演會面的趣事：「我通常都會早15分鐘到，咁啱導演都係，我哋就入咗同一部電梯，當時我就諗好唔好同佢打招呼，但見佢冇反應，我就冇打招呼，出電梯之後本應該轉右，但我就轉左，過左一陣先入去。」惠英紅指會面過程中，都「棠夫人」上身，用她的口吻與導演交談：「搞到導演以為我係一個霸氣、要成日改劇本、又會遲到同埋要服侍嘅演員，好彩最後都有澄清番﹗」
佢話佢用戲中角色口吻試鏡，令導演以為佢係一個難服待嘅演員！
齋睇樣佢又真係幾有霸氣嘅！
(東方日報)
