藝人岑麗香（香香）與泰臣（翟凱泰）以好運之星身份出席香港賽馬會《好運1月1賽馬日》記者會。他們聽說歷屆擔任賽馬會的好運之星，整年運程都會非常好。
香香表示媽媽從小都認為她是幸運小朋友，問到會否帶旺老公及身邊人？她說：「我覺得我好幸運同有福氣，做到自己喜歡做嘅事，同有個好老公，希望Carry到大家。（延續福氣到明年再生小朋友？）福氣有好多種，同埋好多好時候可以享受，希望Carry到2018。」問到聖誕節會否留在港？香香表示始終適逢結婚一周年紀念，都希望可以去玩。
香香又表示喜歡欣賞策騎，並認為要訓練這種才能並不容易：「我都有試過策騎，係好要同良駒夾到，玩呢樣運動嘅人好犀利。（你學過策騎？）拍嘢學過，但冇呢個經驗，知道練馬師會花好多時間同良駒訓練同埋培養感情。」而泰臣曾到馬房拍攝節目，為良駒清理糞便。
另外，泰臣被問可有投注？他則說：「我有買但就冇研究，通常跟啲做足功課嘅人買，有次買位置Q中咗，幾個兄弟一齊分。（贏咗幾多錢？）幾個人加埋有五位數，之前都交過唔少學費，最緊要小賭怡情。」
(on.cc東網)
