(DO姐)鄭裕玲今日(12/12/2017)到邵氏影城，出席方逸華追思會。
她接受傳媒訪問時提到方逸華的難忘事：「最難忘是邵逸夫獎啦，由2003年六叔創辦的第一屆邵逸夫獎，已經搵咗我做司儀，(六叔六嬸)非常緊張呢個獎項啦。
由03年至今都做司儀，每年方小姐都會好用心，每樣擺設都會關注，做咗十幾年都係咁樣，同埋每年方小姐都會book一次 1廠去run一次，最感動係方小姐每年都會去後台，親身多謝我同另一位司儀，但其實喺我心目中，你係一位老闆，都唔需要咁樣做，仲會帶埋禮物嚟多謝我哋。
今年見到方小姐冇出現，但都聽到周邊人話佢有嚟過，當時我就無為意啦，直至佢過身嘅消息知道咗後，就覺得好突然囉！」
DO姐坦言，方小姐是一位好傳奇的女性，由歌手變成顯赫的人，她很努力，亦很有生意頭腦，於十多年來，與她的接觸，覺得她是一位很謙虛的人，對所有人都好關懷，毫無架子。
問到六叔、六嬸相繼離開，可覺得邵逸夫獎的義意已改變？
她說：DO姐話「咁又唔會，因為已經Run咗十幾年，都好順暢，相信明年都會繼續，一路繼續，一路咁Run落去。」
(蘋果日報)
