藝人劉玉翠及張崇德到奧運出席微電影首映，並宣布作品在外地微電影節得到不少獎項，包括最佳導演及劉玉翠獲得最佳女主角獎。
玉翠好友劉雅麗及關寶慧趁今日是玉翠生日送上蛋糕及遞上女主角獎座，令玉翠驚喜得眼濕濕。
玉翠表示戲中她要照顧病母，感覺抑壓，到最後對方離世時情緒大崩潰，她表示今次電影沉重講死亡，希望大眾認識臨終預設治療，究竟在家人病危時，仍應否勉強急救令對方繼續受苦：
「我想大家認識多啲，到有需要時可做最好嘅處理畀屋企人，我覺得部電影好有意義，其實冇乜人工，呢方面我命苦啲，不過有意義好滿足！（仲有獎品有女主角獎！）好開心得到鼓勵！仲有兩個獎，演員路好困難，但畀到我滿足感，會繼續拍！」
至於張崇德則演醫生，他覺得相當難演繹，明知病人不能夠活，但亦希望可以令他們不會太辛苦：「當年我個仔都急救過無數次，所以更加有感受，希望套戲畀大家知道應該點樣處理病危病人，之前喺講座睇過套戲一次，全場人都喊到飛起。」
(on.cc東網)
