近期喺《開心速遞》飾演「欣欣」，乖乖女加傻大姐形象開始入屋嘅邵佩詩即將離開《開心速遞》，日前喺ig已經話：「做好每一場戲的準備，不能讓自己有遺憾＃進入最後倒數＃可是我病了＃欣欣的日子＃開心速遞。」
邵珮詩接受傳媒訪問時，承認將會離開劇組，拍到231到232集，即係出年二月左右，就會播出佢最後兩集：「呢兩年都係喺11廠拍《愛.回家》，真係好唔捨得，但我要出去闖下架喇，傻大姐唔可以做成世！」
另外，飾演《天與地》「家明」嘅張景淳，岩岩拎完十年金牌，但有傳佢即將離開大台，佢接受訪問時話係誤會，嚟緊仲會加入《開心速遞》：「有呢啲傳聞都幾好，証明有人留意自己，無傷大雅都幾好呀。」
(Sina)
