37歲嘅名模熊黛林（Lynn）與郭可盈胞弟郭可頌去年結婚後，喺今年11月初晒凸肚相宣布造人成功，認真可喜可賀！做咗準媽咪嘅Lynn凡事考慮周全，早前佢更透露因為驚樓上噪音會影響到BB，搞到成日都要攬住抱枕隔音，果然好謹慎！
今日，Lynn又喺社交網向大家分享懷孕心得，佢上載咗幾張做大肚瑜伽相，並留言：「現在可以在家裡（裏）做一些簡單的伸展運動，拉拉筋，這個時候還要穿得美美的，我真是無藥可救了😌…運動服不只是好看，更重要的是舒服，絕對不會影響到寶寶的😘」
件衫好睇就唔使多講…Lynn平時身形纖瘦高挑，照計咩類型嘅衫都可以輕輕鬆鬆Carry到。依家佢大咗肚後上圍仲明顯升埋Cup，但四肢依然纖幼，唔少女網友見到後都嗌好羨慕！
件衫又真係幾好睇嘅。
Lynn透露現階段可以做一啲簡單嘅伸展運動。
上圍升咗Cup！
(ON.CC)
