藝人黃翠如、陳敏之、岑麗香、夏雨、李司棋等齊齊出席無綫劇集《翠華餐廳五十周年呈獻：溏心風暴3》之「溏心侍應大激鬥」活動，席間大會宣布劇集播出至今，網上累積點擊率已達3.6億。而一眾演員亦於台上呼籲觀眾切勿從非法網站觀看劇集，就連未有到場的黃宗澤也有拍片呼籲。
煮得差有原因
近日被男友蕭正楠（阿蕭）批評廚藝差的翠如，被問到是否每晚收工也要等男友下廚？翠如笑謂：「我都唔係日日見到佢，我會保留追究權利！其實我都係煎爆過一次雞蛋，因為唔熟個鑊，廚具用熟啲會比較好。」
致電鬧爆男友
翠如更否認是「地獄廚神」，笑罵阿蕭為她建立如此形象：「佢死梗！我一陣打電話嘈佢，其實係佢對食要求高，所以先緊張啲。」不過談到拿手小菜，翠如卻想了片刻才指炮製一頓飯絕對冇問題，蒸魚亦難不倒她：「我細妹依家喺PMQ開咗間臨時餐廳賣煎魚，我會去學吓嘅。（會考慮上廚藝班？）我以前做過飲食節目喎！阿蕭誹謗我囉！」
未能與男友過聖誕
而即將來臨的聖誕節，翠如坦言不會與男友一起過，因對方要為劇集開工。講到她曾透露有意探訪助養小朋友，她表示今年聖誕節應未能成行，更謂：「因為要配合好多方面，到時會帶物資去，但都要深思熟慮，好多嘢例如朱古力都唔建議帶，因為佢哋好少接觸，驚食完會想再食，所以都係帶文具嗰啲好啲。」
翠如唔認煮得差，仲話煮一餐絕對冇問題。
左起：翠如、夏雨、岑麗香
翠如好嬲咁喎！
大合照
(ON.CC)
