藝人袁偉豪及唐詩詠到旺角出席品牌聖誕活動，問到聖誕節目會否想女友張寶兒及家人一同度過？袁偉豪大方地說：「就到都想聚一聚，始終家人同好朋友難得放假，依家覺得想珍惜多啲時間，始終公公婆婆年紀大，而且見面唔多，老人家真係老得好快，有時睇番張合照就發覺歲月過得好快。
（老人家有冇想要孫新抱？）其實佢哋心態有期待，係我自己唔生性，揀嚟揀去都唔啱，我話人揀我呀！佢哋都無奈，要接受未有得飲新抱茶。（咁依家係咪就快啦？）未有計劃呀！事業為先，但唔排除任何可能性。（會唔會接受先有後婚 ？）睇嗰時有冇呢個Feel囉！當然都要尊重寶兒嘅家人，唔係話潮流興就跟住做。」
(on.cc東網)
