【包包好識照顧人】徐榮太太封肚 因為⋯

徐榮今日同埋細女徐心怡（包包）一齊去到馬鞍山為繪畫學校宣傳，徐榮同包包用蔬果畫畫，為小熊同聖誕樹上色。

徐榮話之前有監製想搵包包拍劇，佢話：「拍電視劇時間太長，佢o依家得兩歲，中間時間都要瞓覺，唔想令佢辛苦。」

徐榮指10歲大仔聖誕會到日本沖繩踢足球比賽，佢話：「大仔比較獨立，七歲開始已經自己出去外地比賽，唔使照顧。」

徐榮之前帶埋包包去張達倫屋企探BB，佢話包包好識照顧人，問到會唔會生多個，徐榮話：「太太封肚，叫張達倫再生啦，我冇錢呀。」

(蘋果日報)