台灣女星林依晨來港出席活動，同場有韓國男星李東健，林依晨稱也有看過對方的作品，但未見過真人，問到會否想跟韓星合作？她坦言：「如果有好嘅劇本都想。（想同邊個合作？）太多喇，好多好嘅演員同歌手。（自己有冇鍾意嘅韓星？）冇，但都想合作。（係咪怕老公呷醋所以唔敢講？）唔係，只係唔想太刻意講。」
提到聖誕將至，林依晨表示沒有慶祝計劃，但覺得香港的聖誕節氣氛較濃厚，至於平安夜是她與丈夫的結婚周年，她笑言：「你哋咁都知，我都要上網睇吓有咩禮物啱。（會點慶祝？）比較重視平時相處點滴，節日反而唔會特別慶祝，但禮物就唔少得。（聖誕會唔會去旅行？）聖誕千祈唔好去旅行，人太多，我好鍾意去旅行，但都係揀閒日。」
對於女星舒淇因皮膚問題而暫時娛樂圈，林依晨亦身同感受：「我都試過因爲身體狀況而休息過，身體係我哋好緊密嘅戰友，要聽身體嘅訊息去休息。（自己有調理身體去生BB嗎？）我自從09年做過手術後，一直有注意調理身體，但唔係刻意為乜，我最近增加運動量，每星期會做兩次瑜伽同兩次TRX（懸掛訓練系統）。（幾時計劃生BB？）都要明年下半年，因為我農曆新年後要拍一套古裝劇。（劇中需要打嗎？）唔需要，但我有可能被打。」
林依晨話明年下半年先計劃生B。
林依晨話佢最近多咗做運動。
林依晨說農曆新年後拍古裝戲
(ON.CC)
