歌手吳若希（Jinny）以露肩裝到屯門出席酒店開幕，表示此裙是佗BB前買的，想不到佗B後着反而更鬆，問到是否湊BB辛苦所以瘦？她表示：「唔係好辛苦，但係瘦咗嘅。（會唔會再瘦落去？）唔會啦，我要增肥，屋企人嫌我太瘦。（老公嫌你？ ）佢冇嫌我嘅，但問我係咪營養不良，叫我食中藥補下。」她亦說現時要努力搵錢，因為佗B時推了很多廣告，問到可有計過推了多少錢？她表示：「計唔到。（因為太多？）唔係，而係冇得咁樣衡量，BB係最緊要，錢換唔到佢番嚟，所以依家要賺多啲。」
講到之前接受訪問表示曾想過唔要BB，Jinny表示：「因為當時同依家個老公嗌交，分開咗，但一知道有BB係呆一呆，因為當時係自己事業高峰，有諗過呢個小朋友會唔會犧牲自己事業？但好快已經斬斷呢個諗法，小朋友冇得比，係世界上最甜蜜嘅負擔。」問到現時可還會與老公吵架？她笑言：「依家係佢畀我鬧㗎啫，佢好好嘅，我脾氣大啲，佢好就我，so far依家搵到啱嘅相處模式。」
(東方日報)
