【Ig公開超聲波照片】宣佈陀緊第二胎

現年36歲嘅韓國女團After School前隊長嘉熙，去年嫁CEO楊俊茂，同年10月一索得男升呢做媽咪。今日嘉熙再宣佈好消息，表示目前陀緊第二胎。

今早嘉熙被韓媒爆料，指佢再度懷孕，事後嘉熙所屬事務所表示：「嘉熙確實陀緊第二胎，目前懷孕9周，之後佢將專心於胎教。」嘉熙亦於Instagram公開超聲波照片，留言多謝大家嘅祝賀，指本打算係陀夠三個月之後先公開，不過世界上冇任何秘密。嘉熙指BB好大，覺得今次跟第一胎唔一樣，希望大家支持佢。

(蘋果日報)