藝人陳琪一向視三個仔女如命根，日前就讀三年級的大女胡芷苓（JayJay）參加「第69屆校際朗誦節」比賽獲得冠軍，令陳琪興奮不已，透露囡囡曾於兩年前參加過，當時亦是獲得冠軍，惟去年因參加跳舞比賽，故暫停朗誦方面的賽事，沒料事隔一年，囡囡表現未有生疏，還深得評審們喜愛。
她謂：「今年對手好強，個個參賽學生都好叻，可能家姐嘅表演方法，評審好鍾意啦！所以贏到個獎我都開心，阿妹呢個月中都比賽，希望都會有好成績。（點獎勵家姐？）佢要求好低，比完賽話好肚餓，話淨係想食一個肉燥飯。」
更指老公胡諾言因一早約了當初為囝囝改名的堪輿大師李居明，故未能一起到比賽場地支持愛女，更謂：「其實我不知幾想去見大師，但撞正家姐比賽，我唔可以假手於人，到時如果家姐失準我就變千古罪人，好在佢表演好好，可能媽咪喺度信心大啲！」
(on.cc東網)
