台灣男星陳建州（黑人）同老婆范瑋琪生咗一對可愛活潑嘅寶貝仔飛飛同翔翔，不時就喺網上晒幸福，無論係囝囝嘅一舉一動，抑或一家齊齊出街呢啲生活點滴都會同網民分享！
最近，黑人就喺Facebook甫咗兩張相，第一張相就見到佢黑人攬住兩個囝囝，仲着埋父子裝，三個人個Look都完全一樣，真係見到都覺得溫馨呀！
而第二張相就係黑人拖住兩個囝囝過馬路，不過呢張相被網民熱烈討論，甚至指黑人已經違法，原因係因為相入面見到黑人同囝囝橫過馬路嘅時侯冇跟住斑馬線行反而霸佔咗單車路，一班網民仲引用埋台灣嘅法例，話佔用單車路實屬違法行為，依例可罰300元台幣。
事後黑人得知事件都即刻刪相同道歉，並表示只係單純想甫吓同囝囝嘅生活照，絕對冇任何惡意，仲向各位承諾之後會謹慎啲。相信今次呢件事件只係黑人嘅無心之失！
(on.cc東網)
