前港姐麥明詩昨晚於社交網站自爆多年前參加內地交流團時曾遭性侵犯，結果引起不少回響，有網民予以同情，亦有網民質疑她「抽水」！
麥明詩今日到無綫電視城為劇集《是咁的，法官閣下》開工，一臉憔悴的她，樣子相當疲憊，問她是否因公開事件引致壓力太大而失眠？麥明詩表示：「只係因為通宵拍劇，對我嚟講，呢件事冇令我情緒受困擾，一直以嚟家人都好支持我，令我冇好大陰影，當時我都有同媽咪講，返咗香港之後，都有去警署備案、落口供，但因為件事唔係香港發生，所以都冇實質行動可以做到。（有網民質疑你點解唔喺內地報案？）我嗰陣時好細個，一心只想盡快返香港，唔想喺大陸報警，擔心要喺內地留好耐。」
麥明詩說到此處，眼眶通紅，眼濕濕、哽咽地繼續說：「自己諗番轉頭，究竟可唔可以做番一啲嘢，但依家再諗都冇意思。」
(東方日報)
